شارەزایەکی کەشناسی رایگەیاند، شەپۆلێکی توندی بەفربارین بەڕێوەیە و کۆتایی ئەم هەفتەیەش، بەهۆی هاتنی هەوری ‘سوپەرسێڵ’ بارانی بەخوڕ لە بەشێکی ناوچەکانی هەرێمی کوردستان دەبارێت.
زەکەریا کانی پاشایی، شارەزای بواری کەشناسی رایگەیاند، لە چەند رۆژی داهاتوودا شەپۆلێکی بەهێزی بەفر و سەرما روو لە ناوچەکانی هەرێمی کوردستان دەکات کە لە شەپۆلەکانی پێشوو بەهێزترە و بەفربارین دەگاتە سەنتەری شارەکان.
ئاماژەی بەوەشدا، رۆژانی چوارشەممە و پێنجشەممە 28 و 29ـی کانوونی دووەمی 2026، شەپۆلێکی بەهێزی بارنبارین روو لە ناوچەکانی هەرێمی کوردستان دەکات و “ئەگەری هەیە هەوری ‘سوپەرسێڵ’ و بەهێز پارێزگاکانی سلێمانی و بەشێکی هەولێر و کەرکووک بگرێتەوە و بارانی بەخوڕ و تەرزە ببارێت.”
