هەسەدە: چـ.ـەکدارانی سەر بە دیمەشق بە روونی پێشێلی ئاگربەست دەکەن

هەسەدە بڵاویکردەوە، چـ.ـەکدارانی سەر بە دیمەشق رێککەوتنی ئاگربەست لە ناوچەکانی جزیرە و کۆبانی پێشێلدەکەن.

راگەیاندنی هەسەدە بڵاویکردەوە، سەرەڕای ئەوەی لە شەوی رابردووە ئاگربەست چووەتە بواری جێبەجێکردنەوە، بەڵام چـ.ـەکدارانی سەر بە دیمەشق بەردەوامن لە دەسـ.ـتدرێژی و هێرشەکانیان بۆ سەر ناوچەکانی جزیرە و کۆبانی، ئەمەش پێشێلکردنیکی روونی مەرجەکانی ئاگربەستەکەیە.

ئەوەشی خستەڕوو، پاش ئەوەی شەوی رابردوو ئاگربەست کەوتە بواری جێبەجێکردنەوە، بەڵام چـ.ـەکدارانی سەر بە دیمەشق زنجیرەیەک هێرشیان ئەنجامدا، کە وردەکاریی هێرشەکان بەمشێوەیەی خوارەوەیە:

–  کاتژمێر 8:10ی شەو: چـ.ـەکدارانی سەر بە دیمەشق بە چڕی تۆپبارانی شارۆچکەی زەرکانیان لە باکووری حەسەکە کرد، کە تۆپبارانەکە زیاتر لە نیو کاتژمێر بەردەوام بوو.

– کاتژمێر 8:20ی شەو: چـ.ـەکدارانی سەر بە دیمەشق بە چەکی قورس هێرشیانکردە سەر گوندی تەل بەرود لە باشووری حەسەکە.

–  کاتژمێر 11:30ی بەیانی ئەمڕۆ: چـ.ـەکدارانی سەر بە دیمەشق لە دەوروبەری شاری سارین هێرشیانکردە سەر هێزەکانمان، هێزەکانمان توانیان هێرشەکە پووچەڵ بکەنەوە.

–  کاتژمێر 11:45ی بەیانی ئەمڕۆ: کاروانێکی چـ.ـەکدارانی سەر بە دیمەشق هێرشیانکردە سەر هێزەکانمان لە گوندی باسل، باشووری حەسەکە.

–  کاتژمێر 2:10ی نیوەڕۆی ئەمڕۆ: چـ.ـەکدارانی سەر بە دیمەشق بۆ جاری دووەم لە دەوروبەری شاری سارین هێرشیان کردەوە سەر هێزەکانمان و هێرشەکەیان پووچەڵکرایەوە.

باسی لەوەشکردووە، پابەندیی خۆمان بە بە ئاگربەستی شەوی رابردوو دووپاتدەکەینەوە، داوا لە کۆمەڵگەی نێودەوڵەتی دەکەین بەرپرسیارێتی هەڵبگرن بەرامبەر ئەم هێرشانەی کە دەکرێتە سەر رۆژئاوا.