پارێزگاری کەرکوک، رایگەیاند، بە وردی چاودێریی دۆخی کارەبا دەکەین.
رێبوار تەها، پارێزگاری کەرکوک، بۆ جاری دووەم لەگەڵ بەڕێوەبەری دابەشکردنی کارەبا و لێپرسراوی کەرتەکان کۆبووەوە.
کۆبوونەوەکە درەنگانی شەوی رابردوو بەڕێوەچوو، پارێزگاری کەرکوک رایگەیاند، “بودجەی پێویست بۆ کڕینی محاویلە و سەرجەم پێداویستییە تەکنیکییەکان دابینکراوە، بە مەبەستی چارەسەرکردنی کێشەکانی تۆڕی کارەبا”.
ئاماژەی بەوەش کردووە، تیمەکانی کارەبا راسپێردران کە 24 کاتژمێر جارێک راپۆرتی وردی چالاکییەکان و ئاستی خزمەتگوزارییەکان پێشکەش بە پارێزگار بکەن، لەگەڵ مانەوە لە ئامادەباشیی تەواودا بۆ چاککردنەوەی هەر گرفتێکی کتوپڕ.
