بەهۆی بارینی بەفرێکی زۆرەوە رێگەی سەرەکیی نێوان شاری مەریوان بۆ دەروازەی سنووریی باشماخ بە رووی شۆفێراندا داخرا.
بەپێی زانیارییەکان، بەهۆی بەردەوامیی بەفربارین، کەمبوونەوەی مەودای بینین و مەترسیی خلیسکان، هاتوچۆکردن لە رێگەی سەرەکیی نێوان شاری مەریوان بۆ دەروازەی سنووریی باشماخ مەترسیدارە، بۆیە لەئێستادا رێگەکە بە رووی شۆفێراندا داخراوە و لەلایەن تیمەکانەوە پاکدەکرێتەوە.
شەپۆلێکی بەفربارین چەند شارێکی هەرێمی کوردستان، ناوچە سنوورییەکان و رۆژهەڵاتی کوردستانی گرتووەتەوە و لە چەندین شوێن، ئاستەنگی هاتوچۆ دروستبووە.
