هاتوچۆی سلێمانی ئاگادارییەکی بەپەلە ئاراستەی هاوڵاتییان دەکات و داوایان لێدەکات سەردانی شەقامەکانی نزیک شەقامی سالم نەکەن.
مقەدەم بەهمەن عەبدوڵا، وتەبێژی هاتوچۆی سلێمانی رایگەیاند، ئاگاداری هاوڵاتییان دەکەنەوە، کاری زۆر پێویستیان نەبێت سەردانی شەقامەکانی نزیک لە شەقامی سالم نەکەن، لەبەر ئەوەی بەربەستکراوە و لۆدێکی زۆر دروستبووە لەو ناوچەیەدا.
راشیگەیاند، ئەو هاوڵاتییانەی ئۆتۆمبێلەکانیان لە نزیک شەقامی سالم رادەگرن، بەشێوەیەکی گونجاو پارکی بکەن تا ئاستەنگی هاتوچۆ دروستنەبێت، بە پێچەوانەوە رووبەڕووی سزا دەبنەوە.
