سەعدی پیرە رایدەگەیەنێت، پـ.ـارتی هەموو دۆسیە و مەلەفەکانی بۆ خۆی قۆرخکردووە و هەر ئەوە ماوە بڵێت ئەو بارانەش من دەیبارێنم.
سەعدی پیرە، ئەندامی مەکتەبی سیاسیی یەکێتیی نیشتمانیی کوردستان لە لێدوانێکی تەلەفزیۆنیدا رایگەیاند، یەکێتی هەرگیز لەسەر پرسەکانی سەرۆکی حکومەتی هەرێمی کوردستان و سەرۆکی هەرێمی کوردستان هیچ کێشەیەکی نەبووە، بەڵکو ئەوە پارتـ.ـیە کێشە و بەربەست بۆ بەرەوپێشچوونی پرسەکان دروستدەکات.
دەشڵێت، پارتی بە تەنیا ناتوانێت حکومەت پێکبهێنێت، پۆستی سەرۆککۆمار بەش و مافی یەکێتیە و پێشتر لەسەر ئەم پرسە لەگەڵ پـ.ـارتی رێککەوتووین، ئەگەریش پـ.ـارتی بەمە نارازییە با بچێت بە تەنیا حکومەت پێکبهێنێت.
باسی لەوەشکرد، پاشان پـ.ـارتی هەموو دۆسیە و مەلەفەکانی بۆ خۆی قۆرخکردووە، دۆسیەی ئەمنیی، وزە، سەرۆکی حکومەتی هەرێمی کوردستان، جێگری سەرۆکی ئەنجومەنی نوێنەران و سەرۆکی هەرێمی کوردستانی لەلایە، هەر ئەوە ماوە بڵێن ئەو بارانە ئەگەر ئێمە نەبووینایە نەدەباری.
