بەڕێوەبەرایەتیی کەشناسی بڵاویکردەوە، ئەمشەو بەفربارین لە ناوچە شاخاوییەکان بەردەوامیی دەبێت.
بەڕێوەبەرایەتیی کەشناسی و بومەلەرزەزانیی هەرێمی کوردستان بڵاویکردەوە، ئەمشەو پێشبینی دەکرێت کاریگەری شەپۆلی سەرما و باران لەسەر ناوچەکەمان بەردەوامیی هەبێت بارانی مامناوەند لە زۆربەی ناوچەکان دەبارێت،بەفر لە ناوچە شاخاوییەکان بەردەوامییدەبێت.
ئاماژەی بەوەشکرد، ئەو ناوچانەی نزیکن لە ناوچە شاخاوییەکان بەفر و کڕێوەی دەبێت، ئەو ناوچانەی پێشبینیدەکرێت بۆ ئەمشەو بەفر و کڕێوەی هەبێت بریتین لە ( سیدەکان، حاجی ئۆمەران، ناوچە سنورییەکان، شیلادزێ،دێرەلوک، دەڤەری بارزان، مێرگەسۆر، پێنجوێن و چەند ناوچەیەکی دیکە)
