جێگری بەڕێوەبەری كۆمپانیای سۆمۆ رایدەگەیەنێت، رێککەوتنی نەوتیی نێوان هەرێمی کوردستان و بەغدا تاوەکو سێ مانگی دیکە درێژکراوەتەوە.
حەمدی شنگالی، جێگری بەڕێوەبەری كۆمپانیای سۆمۆ لە لێدوانێکی تەلەفزیۆنیدا رایگەیاند، پێشتر رێککەوتنمان لەگەڵ حکومەتی عێراقی کردبوو کە سێ مانگ جارێک رێککەوتنی نەوتیی نێوان حکومەتی هەرێمی کوردستان و حکومەتی عێراق نوێبکرێتەوە.
دەشڵێت، بەبێ هیچ گۆڕانکارییەک لە خاڵەکانی رێککەوتنەکە، رێککەوتنی نەوتیی نێوانمان تاوەکو 31ی ئازاری 2026 درێژکردەوە.
ئاماژەی بەشکرد، ئێستا رۆژانە بەتێکڕا 200 هەزار بەرمیل نەوتی هەرێمی کوردستان هەناردەی بازاڕەکانی جیهان دەکرێت و 50 هەزار بەرمیل نەوتیش بۆ پێداویستییەکانی ناوخۆ تەرخاندەکرێت.
