مەزڵوم عەبدی “هەواڵی خۆش”ی لە ڕۆژئاوای کوردستانەوە پێیە

فەرماندەی گشتی هێزەکانی سوریای دیموکرات، هەسەدە ڕایگەیاند، ڕێککەوتنی نێوان هێزە کوردییەکان هەواڵیكی خۆشە و بەرژەوەندی خەڵکی ڕۆژئاوای کوردستان دەپارێزێت.

مەزڵوم عەبدی، لە تویتێکدا لە تۆڕی کۆمەڵایەتی تیوتەر ڕایگەیاند، “سەرکەوتنی گفتوگۆی نێوان (ئەنەکەسە) و پارتەکانی یەکێتی نەتەوەیی کورد (پەیەنەکە) دەستکەوتێکی باشە بۆ خەڵکی ڕۆژئاوای کوردستان”.

فەرماندەی گشتی هێزەکانی سوریای دیموکرات نوسیویشیەتی، “ئەرکی هەر کەسێکە کە لەم کاتەدا یەکڕیزی بپارێزێت، چونکە لە، چەند ڕۆژەدا قۆناغێکی نوێ هاتووەتە پێشەوە”.

ماوەی چەند مانگێکە گفتوگۆی نێوان پارتەکانی یەکێتی نەتەوەیی کورد (پەیەنەکە) و ئەنجومەنی نیشتمانیی کورد (ئەنەکەسە) لەسەر چۆنیەتی ئیدارەدانی ڕۆژئاوای کوردستان لە کۆبوونەوەدان و بە وتەی مەزڵوم عەبدی گفتوگۆکان قۆناغێکی گرنگی بڕیووە.

بابەتی پێشتر

وێسهتام 1-3 لیڤەرپوڵ

بابەتی دواتر

باڵیۆزخانەی توركیا لەبارەی ڤیزاوە ڕوونكردنەوە دەدات

بابەتی پەیوەندیدار
Total
40
Share