وتەبێژی حەج و عومرەی هەرێمی کوردستان، دەنگۆیەک لەبارەی سووتانی پاسێکی عومرەکاران رەتدەکاتەوە.
کاروان ستوونی، وتەبێژی بەڕێوەبەرایەتیی گشتیی حەج و عومرەی هەرێمی کوردستان بە تۆڕی میدیایی ئێستای راگەیاند، ئەو هەواڵەی کە لەبارەی سووتانی پاسێکی عومرەکاران لە شەقڵاوە بڵاوبووەتەوە، دوورە لە راستییەوە.
ناوبراو راستیی رووداوەکەی بەمشێوەیە روونکردەوە، “پارچەیەکی پشتەوەی پاسەکە لەکارکەوتووە و دوکەڵی گرتووە، بەهۆیەوە دوکەڵەکە هاتووەتە ناو پاسەکە”.
دەشڵێت، عومرەکارانی ناو پاسەکە هاتوونەتە دەرەوە و بە پاسێکی دیکە گواستراونەتەوە، سەرجەمیان سەلامەتن.
