ئومێد باڵەبان رایدەگەیەنێت، کاتی ئەوەیە هەولێر بۆ هەولێرییەکان بێت، نەک تەنیا دروشمی باق و بریق بێت، ئەوەی ئێستا لە هەولێر دەبینرێت توێژی هونەرمەند و رۆشنبیری شارەکە لێی زەرەرمەندە.
ئومێد باڵەبان، هونەرمەند و گۆرانیبێژی دیار، لە تۆڕی کۆمەڵایەتیی فەیسبووک نووسینێکی بڵاوکردووەتەوە و تیایدا هاتووە، ئایا هەولێر بۆ هەولێرییەکانە؟ کاتی ئەوەیە بە کردار هەولێر بۆ هەولێرییەکان بێت، نەک تەنیا دروشمی باق و بریق، ئەوەی لە رووی ماددی و مەعنەوییەوە لە شارەکە زەرەرمەندی یەکەمە، توێژی رۆشنبیر و هونەرمەندی شارەکەیە.
دەشڵێت، لەسەر حسابی خەڵکی بەشەرەفی هەولێر، قەرەج و سوک و چرووک نەما گەورەنەکرێن، میدیاکار و هونەرمەندی هەموو شارەکان بە داهاتێکی باش ژیانێکی خۆش دەژین، بەڵام تەحەدا دەکەم، ئەگەر میدیاکار و رۆشنبیری هەولێر لە شارەکانی دیکە بتوانن لە شارەکانی دیکە بۆیان بچێتەسەر.
