بەڕێوەبەری رێکخستنی پسوڵەی خۆراک لە سلێمانی، رایگەیاند، فۆڕمی ئەلیکترۆنیی خۆراک کاراکرایەوە.
ئاراس محەمەد، بەڕێوەبەری رێکخستنی پسوڵەی خۆراک لە سلێمانی، رایگەیاند، “ئەپڵیکەیشنی فۆڕمی ئەلیکترۆنیی خۆراک کاراکراوەتەوە و ئەو کەسانەی وەک گەشتیار لە دەرەوەی وڵات بوون، یان بە هەر هۆکارێکی دیکە خۆیان لە سیستمەکەدا تۆمار نەکردبوو، دەتوانن خۆیان تۆمار بکەن”.
وتیشی، قۆناغی خۆتۆمارکردن بێبەرامبەر کۆتاییهاتووە و ئێستا هەرکەسێک کە خۆی تۆماردەکات دەبێت شەش هەزار دینار لە رێگەی ڤیزا کارتەوە بدات کە پێشتر دەبوو بڕی 11هەزار دینار بدرێت.
