قوباد تاڵەبانی رایگەیاند، ئێزدییەکان بەشێکی رەسەن، دێرین و دانەبڕاوی نیشتمانەکەمانن.
قوباد تاڵەبانی جێگری سەرۆکی ئەنجومەنی وەزیران لە پەیامێکدا رایگەیاند، بەبۆنەی هاتنەوەی جەژنی “رۆژووی ئێزی”، گەرمترین و جوانترین پیرۆزبایی ئاراستەی سەرجەم خوشک و برایانی ئێزدی لە کوردستان و تاراوگە دەکەم.
ئاماژەی بەوەشکرد، ئێزدییەکان بەشێکی رەسەن، دێرین و دانەبڕاوی نیشتمانەکەمانن، ئەم جەژنە دەرفەتێکی گرنگە بۆ دووپاتکردنەوەی گیانی تەبایی و پێکەوەژیانی ئایینی کە هەمیشە جێگەی شانازیمان بووە.
باسیلەوەشکرد، لەم جەژنەدا، جەخت لە پشتیوانیی بەردەواممان دەکەینەوە بۆ دابینکردنی ژیانێکی شایستە، ئارام و سەقامگیر بۆ سەرجەم خوشک و برایانی ئێزدی.
