یەکێتیی سەندیکای کرێکاران لقی سلێمانی ئاماری گشتیی گیانلەدەستدانی کرێکارانی لە نۆ مانگی رابردوودا بڵاوکردەوە، بەپێی سەندیکاکە تەنها لەم مانگەدا سێ کرێکار گیانیان لەدەستداوە.
بەپێی ئاماری سەندیکای کرێکاران لقی سلێمانی، لە مانگی نۆدا سێ کرێکار گیانیان لەدەستداوە، بەوەش ژمارەی گیانلەدەستدان لەماوەی نۆ مانگی رابردوودا گەیشتە 18 کرێکار.
سەندیکای کرێکاران لقی سلێمانی داوا لە داواکاری گشتی دەکاتە بەدواداچوون بۆ سەلامەتی و مەرجەکانی پارێزگاری لە کرێکاران بکات.
ئەمە لەکاتێکدایە ئەمڕۆ دووشەممە، کاتژمێر 10:00ی بەیانی کرێکارێک بەناوی دیار ئەحمەد تەمەن 34 ساڵ، بەهۆی کەوتنەخوارەوەی لە باڵەخانەیەکی پڕۆژەی “دایک” لەکاتی کارکردندا گیانیلەدەستدا.
