بەڕێوەبەری بەنداوی باوەشاسوار رایگەیاند، بەنداوەکانى گەرمیان سەرڕێژیان کردووە.
خلدون عەبدولکەریم، بەڕێوەبەری بەنداوی باوەشاسوار لە کفری رایگەیاند، بەنداوەکەمان ئێستا شەش ملیۆن مەتر سێجا ئاوى تێدایە و سەرڕێژى کردووە.
وتیشی، بارانی چەند رۆژى رابردوو کاریگەریى زۆرباشى لەسەر ناوچەکەمان هەبووە، بەجۆرێک بووەتەهۆى ئەوەى ملیۆن و نیوێک مەتر سێجا ئاو لە بەنداوەکەماندا زیادبکات، هاوکات هەموو بەنداوەکانى گەرمیان سەرڕێژیان کردووە.
