نامۆ فازڵ لە ئەمریکا یارییەکەی بردەوە و سەرکەوتنی بەسەر گویلهێرمی باستۆس بەدەستهێنا.
ئەمڕۆ شەممە، نامۆ فازڵ، شەڕکەری کورد لە رێکخراوی “کاراتی کۆمبات” یارییەکی مێژوویی بەرامبەر گویلهارمێ باستۆسی بەڕازیلی ئەنجامدا و تێیدا سەرکەوتنی بەدەستهێنا.
باستۆس، سەرەڕای ئەوەی 3 کیلۆ لە کێشی دیاریکراو (77 کیلۆگرام) زیاتربوو، نامۆ یارییەکەی قبوڵکرد و بەڵێنیدا بەسەریدا سەربکەوێت، لەکاتێکدا پێشتر چەندین یاریزان، رووبەڕووبوونەوەیان لەگەڵ یاریزانە بەڕازیلییەکەدا رەتکردبووەوە.
