بەڕێوەبەرایەتیی پۆلیسی سلێمانی رایگەیاند، لەسەر سكاڵای دوو هاوڵاتی و لەلایەن مەفرەزەكانی نووسینگەی نەهێشتنی دزینی ئۆتۆمبێلی سەر بە بەشی نەهێشتنی تاوانی بەڕێوەبەرایەتیمان، دوو تۆمەتبار دەستگیركران.
بەڕێوەبەرایەتیی پۆلیسی پارێزگای سلێمانی لە راگەیەندراوێکدا بڵاویکردەوە، دوای ئەوەی دوو هاوڵاتی سكاڵایان تۆماركرد كە دوو ئۆتۆمبێلی بارهەڵگریان لێدزراوە، بڕیاری دادوەر بۆ دۆسیەكە وەرگیرا و هێزەكانی پۆلیس لێكۆڵینەوە و بەدواداچوونەكانیان دەستپێكرد، سەرەنجام توانرا لەلایەن مەفرەزەكانی نووسینگەی نەهێشتنی دزینی ئۆتۆمبێلەوە دوو تۆمەتبار بدۆزرێنەوە و دەستگیربكرێن و دەستیش بگیرێت بەسەر ئۆتۆمبێلە دزراوەكاندا.
ئاماژەی بەوەشکرد، لەئێستادا تۆمەتباران (ا، ح، ح لەدایكبووی 2003/ ز، ع، ص لەدایكبووی 2004 ) بە بڕیاری دادوەر و بەپێی ماددەی 446 لە یاسای سزادانی عێراقی راگیراون و دوای تەواوكردنی رێكارە یاساییەكان، ئۆتۆمبێلەكان رادەستی خاوەنەكانیان دەكرێنەوە.
