چوارچێوەی هەماهەنگی سەرقاڵی پێداچوونەوەیە بە پڕۆفایلی نۆ کاندیدی پۆستی سەرۆکوەزیرانی عێراق.
ئەحمەد مەعموری، وتەبێژی هاوپەیمانیی بنەمای عێراق رایگەیاند، چوارچێوەی هەماهەنگی سەرقاڵی وربینیکردن و پێداچوونەوە بە ناوی نۆ کەس بۆ پۆستی سەرۆکوەزیرانی عێراق، سەرنجی لەسەر بەرنامە و پلانی ئەو کاندیدانەیە سەبارەت ئاسایش، ئابوری و پەیوەندییە نێودەوڵەتییەکان.
وتیشی، ئەو کاندیدەی بۆ ئەو پۆستە هەڵدەبژێردرێت دەبێت کۆدەنگی هەموو سەرکردەکانی لەسەربێت و نابێت یەکێک لە سەرکردەکان نارازیبێت لەسەری، بەڵام پۆستی وەزارەتەکان بە زۆرینەی دەنگ یەکلادەکرێنەوە.
