وەفدێکی دیوانی چاودێریی دارایی عێراق گەیشتنە هەولێر و بڕیارە بۆ ماوەی چەند رۆژێک بمێننەوە.
میدیاکانی عێراق بڵاویانکردەوە، ئەمڕۆ چوارشەممە وەفدێکی دیوانی چاودێریی دارایی عێراق بە مەبەستی وردبینیکردن و چاودێرییکردنی داتاکانی دارایی هەرێم لە چوارچێوەی یاسای بودجە گەیشتوونەتە هەولێر.
ئاشکراشیکرد، وەفدەکە لەماوەی مانەوەیاندا لەگەڵ تیمی چاودێریی دارایی هەرێم، پێداچوونەوە و وردبینی بە لیستی داهات و خەرجیی تایبەت بە چارەکی دووەمی ئەمساڵ دەکەن.
بڕیارە دوای کۆتاییهاتنی کاری وەفدەکە، راپۆرتێکی هاوبەش ئاراستەی ئەنجومەنی وەزیرانی عێراق و هەرێم بکەن، کە ئەمەش کاریگەریی لەسەر پەیوەندییە داراییەکانی هەردوولا دەبێت.
