کۆمپانیای دانەغاز رایدەگەیەنێت، بەرهەمهێنانی غاز لە کێڵگەی کۆرمۆر ئاساییبووەتەوە.
کۆمپانیای دانەغازی ئیماراتی لە راگەیەندراوێکدا ئاشکرایکرد، بەرهەمهێنانی غاز لە کێڵگەی کۆرمۆر گەیشتووەتەوە ئاستی ئاسایی و ئێستا دۆخەکە ئاساییبووەتەوە، هەروەها حکومەتی هەرێمی کوردستان و حکومەتی فیدراڵی رێکارە ئەمنییەکانیان تووندوتۆڵ کردوون.
ئاماژەی بەوەشکردووە، لەگەڵ هاوبەشەکانیان پابەندن بە دابینکردنی دۆخێکی سەلامەت بۆ کارمەندەکانیان، هەروەها دابینکردنی کارەبا و غازی LPG بۆ خەڵکی هەرێمی کوردستان و عێراق.
