بەڕێوەبەرایەتیی هاتوچۆی گەرمیان رایگەیاند، پێکدادانی دوو ئۆتۆمبێلی جۆری پیک-ئەپ و مان بارهەڵگر، لەسەر رێگەی کەلار – رزگاری، بریندارێکی لێکەوتەوە.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، بەیانیی ئەمڕۆ دووشەممە، ئۆتۆمبێلێکی جۆری تۆیۆیتا هایلۆکس و مان بارهەڵگر، لەنێوان هەردوو قەزای کەلار و رزگاری، پێکیاندادا کە هەردووکیان بە ئاراستەی قەزای رزگاری رۆیشتوون.
ئاماژەی بەوەشدا، لە ئەنجامی رووداوەکەدا، سەرنشینێکی ئۆتۆمبێلی جۆری تۆیۆتا هایلۆکس برینداربوو و رەوانەی نەخۆشخانەی فریاکەوتنی شەهید هەژار کرا و زیانی ماددییش بەر ئۆتۆمبێلەکە کەوت.
ئەوەشی خستەڕوو، لەلایەن تیمی هاتوچۆوە لێکۆڵینەوە لە شێواز و هۆکاری رووداوکە دەستیپێکردووە.
