بەشێک لەو مووچەخۆرانەی لەرێگەی هەژماری منەوە مووچە وەردەگرن، لە وەرگرتنی مووچەی مانگی نۆ توشی گرفت بوون.
پەیامنێری تۆڕی میدیایی ئێستا لە سلێمانی گواستییەوە، ئەمڕۆ و دوێنێش بەشێک لە مووچەخۆران ئەوانەی لە رێگەی هەژماری منەوە مووچە وەردەگرن، لەکاتی سەردانیکردنی ATM ەکان، نەیانتوانیوە پارەکانیان رابکێشن.
ئاماژەی بەوەشکرد، ئەو مووچەخۆرانە نامەی ئاگادارکردنەوەی دابەزینی مووچەکانیان بەدەستگەیشتووە، بەڵام لەگەڵ ئەوەی ATMەکان پارەی تێدایە، بەڵام مووچەکانیان راناکێشێت.
