سەرۆکی کۆمەڵەی مۆلیدە ئەهلییەکانی سلێمانی، رایگەیاند، لەکاتی نەبوونی کارەبای نیشتمانیدا کار بە مۆلیدەکان دەکەین.
عوسمان محەمەد، سەرۆکی کۆمەڵەی مۆلیدە ئەهلییەکانی سلێمانی، بە تۆڕی میدیایی ئێستای راگەیاند، ئیدارەی پارێزگای سلێمانی ئێمەی راسپاردووە کە لەکاتی نەبوونی کارەبای نیشتمانیدا کار بە مۆلیدەکان بکەین.
ئەوە لەکاتێکدایە ماوەی چەند رۆژێکە بەهۆی هێرشی سەر کێڵگەی غازی کۆرمۆر گرفت بۆ کارەبای نیشتمانی دروستبووە و هاوڵاتییان رۆژانە چەند کاتژمێرێکی کەم کارەبایان پێدەدرێت.
