بافڵ جەلال تاڵەبانی رایدەگەیەنێت، هێرشە تیرۆریـ.ـستییەکەی سەر کێڵگەی غازی کۆرمۆر جێگەی قبوڵ نییە و بە توندترین شێوە ئیدانەی دەکەین.
بافڵ جەلال تاڵەبانی، سەرۆکی یەکێتیی نیشتمانیی کوردستان، پەیامێکی سەبارەت بە هێرشەکانی سەر کێڵگەی کۆرمۆری بڵاوکردەوە و رایگەیاند، هێرشە تیرۆریـ.ـستییەکەی سەر کێڵگەی غازی کۆرمۆر جێگەی قبوڵ نییە و بە توندترین شێوە ئیدانەی دەکەین، ئامانجی هێرشەکە زیانگەیاندنە بە گوزەرانی هاوڵاتییانمان لە هەرێمی کوردستان، عێراق و تێکدانی سەقامگیری وڵاتەکەمان.
وتیشی، وەڵامدانەوەمان بۆ ئەم هێرشە یەکلاکەرەوە و تووند دەبێت و هەموو رێکارێکی پێویست بۆ پاراستنی گیانی هاونیشتمانیانمان دەگرینەبەر.
ئاماژەی بەوەشکرد، چـ.ـەک دەبێت تەنیا بەدەست دەوڵەتەوە بێت، ئەو میلیـ.ـشیایانەی کە لە دەرەوەی سەروەری یاسا کاردەکەن، یان دەبێت هەڵبوەشێندرێنەوە یان لەناوببرێن.
