دەستەی کەشناسی و بومەلەرزەزانیی عێراق بڵاویکردەوە، لە 18-25 ی ئەم مانگە 21 بومەلەرزە لە عێراق روویانداوە.
لە راگەیەندراوێکی دەستەی کەشناسی و بومەلەرزەزانیی عێراقدا هاتووە، لە 18-25 ی ئەم مانگە 21 بومەلەرزە لە عێراق روویانداوە کە گوڕەکانیان لەنێوان 1.1 -4.6 پلە بووە بە پێوەری رێختەر.
ئاشکراشیکرد، لە کۆی ئەو بومەلەرزانە 15 یان چەقەکانیان لەناو عێراقدا بوون.
تا ئێستا هۆکاری زیادبوونی ئەو بومەلەرزانە لە عێراق ئاشکرانەکراون.
