یاریدەدەری پێشووی بەڕێوەبەری پەروەردەی سلێمانی رایدەگەیەنێت، پێم سەیرە هەموو تۆڕە کۆمەڵایەتییەکان سەرقاڵن بەم منداڵەوە، لە کاتێکدا ئێمە گرفتی پەروەردەیی قوڵترمان هەیە.
عومەر ئەمین، یاریدەدەری پێشووی بەڕێوەبەری پەروەردەی سلێمانی رایگەیاند، سەیرە، رۆژانە سەدان مامۆستا سەردانیان دەکردین و باسی ئەوەیان دەکرد کە لە تۆڕە کۆمەڵایەتییەکان قسەی نەشیاویان پێدەوترێت، منیش لە وەڵامدا لە رێگەی مۆبایلەکەم، سەدان قسەی نەشیاوم نیشاندەدان کە بۆم هاتبوون و گەردنیشم ئازادکردبوون، بۆ یەک جاریش داوای یاساییم لەسەر تۆمارنەکردوون.
وتیشی، بۆیە پێم سەیرە کە هەموو تۆڕە کۆمەڵایەتییەکان سەرقاڵن بە لاسایی منداڵێک، کە بۆنی شیری خاوی لێدێت، لە کاتێکدا ناچنە سەر ئەو هەموو کێشانەی کە پەروەردە تیایدا نوقوومبووە، ئایا هەموو گرفتەکانی پەروەردە تەنیا ئەو کورتەڤیدیۆیە؟
