وابڕیارە ئەمڕۆ لایەنە سوننەکان کۆببنەوە و دەنگیان یەکگرتوو بکەن.
محەمەد عەباس تائی، وتەبیژی هاوپەیمانیی سیادە رایگەیاند، پاش کۆتاییهاتنی هەڵبژاردنی ئەنجومەنی نوێنەرانی عێراق، بڕیارە ئەمڕۆ، لەپێناو یەکخستنی دەنگمان و پێکهێنانی بەرەیەکی سوننی بۆ حکومەتی نوێی عێراق، کۆببینەوە.
وتیشی، کۆبوونەوەکە لەسەر داوای خەمیس خەنجەر، سەرۆکی هاوپەیمانیی سیادە ئەنجامدەدرێت و شوێنی کۆبوونەوەکەش نووسینگەکەی خەمیس خەنجەر دەبێت، لە کۆبوونەوەکەدا گفتوگۆی هەنگاوەکانی دواتر و بەرژەوەندییەکانی خەڵکی ناوچەکە دەکرێت.
شایەنی ئاماژەیە، لایەنە سوننەکان لە هەڵبژاردنی 11ی تشرینی دووەمی 2025، لە کۆی 329 کورسی ئەنجومەنی نوێنەرانی عێراق توانیان 75 کورسی بەدەستبهێنن.
