دەستەی کەشناسیی عێراق پێشبینییەکانی بۆ رۆژانی ئایندە بڵاوکردەوە.
بەپێی راپۆرتی دەستەی گشتیی کەشناسی و بومەلەرزەزانیی عێراق، سبەی دووشەممە، گۆڕانکاری بەسەر کەشوهەوادا دێت، هەروەها ئاسمان لەنێوان هەور و خۆردا دەبێت، پلەی گەرمی لە سەرتاسەری عێراق روو لە نزمبوونەوە دەکات.
روونیشیکردەوە، رۆژی سێشەممە، لە سەرتاسەری عێراق ئاسمان هەور دەبێت و ئەگەری نمەباران هەیە، بە تایبەت لە ناوچەکانی ناوەڕاستی عێراق، هەروەها ڕۆژی چوارشەممە، شەپۆلی بارانبارین ناوچەکانی هەرێمی کوردستان دەگرێتەوە.
