نەوەی نوێ لە بڕیاری پێشووی سەبارەت بە بەشدارینەکردن لە کابینەی نوێی حکومەتی هەرێم پەشیمان بووەوە و مەرجی دیکەی هەیە.
ئەمڕۆ هەینی، دەستەی بەڕێوەبردنی نەوەی نوێ کۆبووەوە و دوای کۆبوونەوەکە، پەرلەمانتارێک کە بەشداریبووە تێیدا، رایگەیاند، نەوەی نوێ بەرنامە و پلانی هەیە بەشداری لە حکومەتی داهاتوو بکات و دەبێت هەموو مەرج و خاڵەکانی بەرنامەکانیان جێبەجێبکرێن.
وتیشی، ئەگەر مەرجەکانیان جێبەجێبکرێن و بڕیاری سەرۆکی جوڵانەوەکەی لەگەڵبێت، ئەوا لە کابینەی دەیەمی حکومەتی هەرێمدا، بەشداری دەکەن.
