سەرۆکایەتیی شارەوانیی سلێمانی رایدەگەیەنێت، ئەو خانەنشینانەی کە ناویان لە لیستی وەرگرتنی زەویدا هەیە، سەردانی بەڕێوەبەرایەتیی خانەنشینیی سلێمانی بکەن.
سەرۆکایەتیی شارەوانیی سلێمانی لە روونکردنەوەیەکدا رایگەیاند، بەهۆی زۆر سەردانکردنی خانەنشینان، پرسیارێکی زۆرمان لێدەکرێت سەبارەت بەو ناوانەی کە بەشێوەی تیروپشکی ئەلیکترۆنی كاری دابەشكردنی زەوییان بۆ ئەنجامدرا، لێرەوە رایدەگەیەنین کە سەرجەم ناوەکان بە لیست ئاڕاستەی بەڕێوەبەرایەتیی خانەنشینیی سلێمانی کراون.
روونیشیکردەوە، داواکارین لەو خانەنشینانەی ناویان لە لیستەکاندا هەیە سەردانی بەڕێوەبەرایەتیی خانەنشینیی سلێمانی بكەن، هەروەها ئەو بەرایی و زانیارییانەی کە داواكراوە، رادەستی بەڕێوەبەرایەتیی خانەنشینانیی سلێمانی بکرێت.
