بەبۆنەی بەڕێوەچوونی هەڵبژاردنی ئەنجومەنی نوێنەرانی عێراق، نوێنەری تایبەتی ترەمپ لە عێراق پیرۆزبایی لە گەلی عێراق دەکات.
مارک ساڤایا، نێردەی تایبەتی ترەمپ لە عێراق نامەیەکی نووسیوە و تیایدا هاتووە، بەبۆنەی کۆتاییهاتنی سەرکەوتووانەی هەڵبژاردنی ئەنجومەنی نوێنەرانی عێراق، پیرۆزبایی لە گەلی ئازای عێراق دەکەم کە هەنگاوێکی گرنگیان ناوە بەرەو پتەوکردنی دیموکراسی و سەقامگیری لە وڵاتدا.
وتیشی، گەلی عێراق جارێکی دیکە پابەندبوونی خۆی بە ئازادی، سەروەری یاسا و دامەزراوە بەهێزە نیشتمانییەکان نیشاندا.
ئاماژەی بەوەشکرد، ئەمریکا بە قوڵی پابەندە بە پشتیوانیکردن لە سەروەری عێراق، هەروەها چاوەڕێی کارکردنین لەگەڵ حکومەتی داهاتووی عێراق.
