وەزارەتی بازرگانیی عێراق بڵاویکردەوە، لە ئەمڕۆوە و بۆ ماوەی 10 رۆژ سیستمی ئەلیکترۆنی فۆڕمی خۆراک کارادەکرێتەوە.
لە راگەیەندراوێکی وەزارەتی بازرگانیی عێراقدا هاتووە، بەمەبەستی پێدانی هەلێکی نوێ بەو خێزانانەی ناوی خۆیان لە سیستمی ئەلیکترۆنی فۆڕمی خۆراک تۆمارنەکردووە، لە ئەمڕۆوە و بۆ ماوەی 10 رۆژ سیستمەکە دەکرێتەوە کار.
ئاماژەی بەوەشکرد، کاراکردنی سیستمەکە تەنها بۆ ئەو کەسانەیە کە تا ئێستا ناوی خۆیان تۆمارنەکردووە، لە دواتردا سیستمەکە بۆ قۆناغی دووەمی زیادکردنی ناو کارا دەکرێتەوە.
