قوباد تاڵەبانی لەگەڵ ژمارەیەک لە کادیرانی یەکێتی لە هەولێر کۆبووەوە و رایگەیاند، وەک هەندێک لایەن نیین لە کوردستان قسەیەک بکەین و لە بەغدادیش هەوڵ بۆ شتێکی دیکە بدەین.
قوباد تاڵەبانی، لێپرسراوی مەکتەبی سکرتاریەتی سەرۆک مام جەلال رایگەیاند، لە کۆبوونەوەم لەگەڵ ژمارەیەک لە کادیرانی یەكێتی لە هەولێر، جەختمکردەوە کە پەیوەندیی باش لەگەڵ بەغداد و لایەنە سیاسییە عێراقییەکان، نە تاوانە و نە خیانەت، بەڵكو پێویستمان بە پەیوەندیی باش و لێکتێگەیشتن هەیە تا مافە دەستوورییەکانمان دابینبکرێت، تا مووچە و بودجە و شایستە داراییەکان دابینبکەین.
ئاماژەی بەوەشکرد، وەک هەندێک لایەن نیین لە کوردستان قسەیەک بکەین و لە بەغدادیش هەوڵ بۆ شتێکی دیکە بدەین؛ یەکێتی لە کوردستان چی دەڵێت، لە بەغدادیش هەمان قسە دەکات و هەوڵ بۆ هەمان شت دەدات.
