کاروان گەزنەیی رایگەیاند، سبەینێ کەرنەڤاڵی ناساندنی کاندیدانی لیستی ٢٢٢ ی یەکێتیی نیشتمانیی کوردستان لە خانەقین بەڕێوەدەچێت و بافڵ جەلال تاڵەبانی وتارێکی دەبێت.
کاروان گەزنەیی وتەبێژی یەکێتیی نیشتمانیی کوردستان رایگەیاند، سبەینێ چوارشەممە کەرنەڤاڵی جەماوەری و ناساندنی کاندیدانی لیستی ٢٢٢ ی یەکێتیی نیشتمانیی کوردستان لە بازنەی دیالە- خانەقین بەڕێوەدەچێت.
ئاماژەی بەوەشکرد، کەرنەڤاڵەکە کاتژمێر 4:00 ی پاشنیوەڕۆ لە هۆڵی وەرزشی خانەقین، بەرامبەر بینای قائیمقامییەتی شارەکە بەڕێوەدەچێت کە تێیدا بافڵ جەلال تاڵەبانی سەرۆکی یەکێتیی نیشتمانیی کوردستان وتارێک پێشکەشدەکات.
