وەزیری پەروەردەی هەرێمی کوردستان رایگەیاند، بەبۆنەی بەڕێوەچوونی هەڵبژاردنەوە، شەش رۆژ لە ناوەندەکانی خوێندن پشوو دەبێت.
ئالان حەمەسەعید، وەزیری پەروەردەی هەرێمی کوردستان رایگەیاند، لە رۆژی پێنجشەممەوە، لە سەرجەم خوێندنگە حکومی و ناحکومییەکان پشوو دەبێت و رۆژی چوارشەممە، 12ـی مانگ، واتە رۆژێک پاش هەڵبژاردنی گشتی، دەوام دەستپێدەکاتەوە.
داوایشیکرد، ئەو ناوەندانەی خوێندن کە کۆمسیۆن وەک بنکەی دەنگدان بەکاریاندەهێنێت، بەپاکی رادەستیان بکرێتەوە.
