لە پارێزگای هەڵەبجە، بەردی بناغەی یاریگەی گوڵان دادەنرێت.
نوخشە ناسیح، پارێزگاری هەڵەبجە لە کۆنفرانسێکی رۆژنامەوانیدا رایگەیاند، “هەمیشە هەوڵمانداوە پڕۆژەی گرنگ لە هەڵەبجە جێبەجێبکەین، یەکێک لەو کەرتانەی بەلامانەوە گرنگبووە کەرتی وەرزشە، بۆیە ئەمڕۆ هەڵدەستین بە دانانی بەردی بناغەی یاریگەی گوڵان”.
دەشڵێت، “بودجەی دروستکردنی یاریگەکە یەک ملیۆن دۆلارە و لەسەر رووبەری 10 هەزار مەتر چوارگۆشە دروستدەکرێت، بڕیارە لە ئاییندەیەکی نزیکدا دەستبکرێت بە جێبەجێکردن و دروستکردنی”.
