بەڕێوەبەری هاتوچۆی ناوشار رایدەگەیەنێت، کامێرای تۆمارکردنی تیژڕەوی زیاتر لەسەر شەقامی بازنەیی مەلیک مەحمود جێگیردەکرێت.
عەقید بەهمەن ئەحمەد بەڕێوەبەری هاتوچۆی ناوشاری سلێمانی رایگەیاند، ئەو سیستمی کامێرای تۆمارکردنی سەرپێچییەی لەسەر شەقامی بازنەیی مەلیک مەحمود دانراوە هی ساڵی 2013 یە و سیستمێکی کۆنە.
ئاماژەی بەوەشکرد، گرێبەست لەگەڵ کۆمپانیایەک کراوە، ئەم سیستمە دەگۆڕێت بۆ سیستمێکی نوێ و ژمارەی کامێراکانیش زیاددەکات و ئەم پرۆژەیەش لە جێبەجێکردندایە.
ئاشکراشیکرد، لەو شوێنانەی دەزانرێت خێرایی ئۆتۆمبێل زۆرە تێیاندا بە دڵنیایی کامێرا جێگیردەکرێت.
