ئەندامێکی ئەنجومەنی نوێنەرانی عێراق رایگەیاند، بڕیارە ئەمڕۆ نووسراوی خەرجکردنی مووچە ئاڕاستەی لقی هەولێری بانکی ناوەندیی عێراق بکرێت.
د. بڕیار رەشید ئەندامی ئەنجومەنی نوێنەرانی عێراق بە تۆڕی میدیایی ئێستای راگەیاند، رێکارەکانی ناردنی مووچەی مانگی هەشت تەواوکراون، بڕیارە هەر ئەمڕۆ نووسراوی خەرجکردنی مووچە ئاڕاستەی لقی هەولێری بانکی ناوەندیی عێراق بکرێت.
بەپێی زانیارییەکانی تۆڕی میدیایی ئێستا، ئەگەر ئەمڕۆ پارەی مووچەی مانگی هەشت خەرجبکرێت، ئەو کەسانەی هەژماری بانکییان هەیە، هەر ئەمڕۆ دەتوانن مووچەکانیان وەربگرن.
