ئەمڕۆ دادگای دهۆک بڕیاری ئازادکردنی بۆ رۆژنامەنووس ئومێد بەرۆشکی دەرکرد.
رەحمان غەریب رێکخەری سەنتەری میترۆ رایگەیاند، “دادگای دهۆک بڕیاری ئازادکردنی بۆ رۆژنامەنووس ئومێد بەرۆشکی دەرکردووە و هەر ئەمڕۆ بڕیارەکە جێبەجێدەکرێت”.
لە 18 ی ئابی 2020 بە تۆمەتی مەترسی لەسەر ئاسایشی نیشتیمانی ئومێد بەرۆشکی دەستگیركرا و سزای سێ ساڵ زیندانیکردنی بۆ دەرچوو، هەرچەندە لە شوباتی ساڵی 2022 ناوبراو ئازادکرا، بەڵام لەو کاتەوە چەندین جار دەستگیرکرایەوە و ئازادکرا، دواجاریش بە شەش ساڵ زیندانیکردن سزادرابوو.
