د. بڕیار رەشید رایدەگەیەنێت، کۆتا سەردانی سەرۆک بافڵ بۆ بەغداد، دووربوو لە هەڵمەتی بانگەشە و هەوڵیدا مووچەی مووچەخۆرانی هەرێم دەستەبەربکات.
د. بڕیار رەشید، کاندیدی لیستی یەکێتی بۆ خولی شەشەمی ئەنجومەنی نوێنەرانی عێراق، رایگەیاند، “بەرنامە و پلانی یەکێتی ئەوەیە کە کێشەی مووچە بنەبڕبکرێت و قۆناغی زۆرباشی بڕیوە، ئەگەر حکومەت بەدەست یەکێتییەوە بووایە ئێستا شتێک نەدەبوو بەناوی کێشەی مووچەوە”.
دەشڵێت، “ئەگەر هاوڵاتییان سەرنجیاندابێت، هاتنی مووچەی مانگەکانی پێشوو دەرئەنجامی هەوڵەکانی سەرۆک بافڵ و سەردانە سیاسییەکانی ئەو بووە بۆ بەغداد”.
ئەوەشی خستەڕوو، “هەوڵەکانمان چڕکردووەتەوە تاوەکو هەموو مانگێک بە هەمان بڕ و لە کاتی خۆیدا مووچە بگات، کۆتا سەردانی سەرۆک بافڵیش بۆ بەغداد هەر بۆ ئەم مەبەستەبووە، دووربووە لە هەڵمەتی بانگەشە و هەوڵیداوە کە مووچەی مووچەخۆرانی هەرێم بۆ مانگەکانی داهاتوو دەستەبەربکات”.
