نووسینگەی خانمی یەکەمی عێراق بڵاویکردەوە، بەمەبەستی ناسینەوەی روفاتی ئەنفالکراوان، پشکنینی خوێن بۆ کەسوکارەکانیان لە چەمچەماڵ دەکرێتەوە.
نووسینگەی شاناز ئیبراهیم ئەحمەد خانمی یەکەمی عێراق بڵاویکردەوە، “لە درێژەی هەوڵە بەردەوامەکانی خانمی یەکەمی عێراق تایبەت بە ئەنفالکراوان و کەسوکاریان و پاش پێشکەشکردنی سکاڵاکانی تایبەت بە تۆمەتبار عەجاج ئەحمەد حەردان بە دادگا، بڕیارە لەم هەفتەیەدا دەست بە وەرگرتنی نموونەی سامپڵی خوێن لە کەسوکاری ئەنفالکراوان لە شاری چەمچەماڵ بکرێت بە مەبەستی ناردنی بۆ تاقیگەکان و ناسینەوەی رووفاتی ئەنفالکراوانی گۆڕە بە کۆمەڵەکان”.
داوایشیکرد، “کەسوکاری ئەنفالکراوان لەکات و شوێنی دیاریکراوی دواتردا ئامادەبن و هاوکاری تیمەکان بکەن”.
