لەکارخستنی حکومەتی ئەمریکا پێینایە هەفتەی سێیەم، ئەمەش پاش ئەوەی لە ئەنجومەنی پیران کۆماریی و دیموکراتەکان شکستیانهێنا لە تێپەڕاندنی یاسای بودجە.
پێگەی ئەکسیۆسی ئەمریکی بڵاویکردەوە، لە کۆبوونەوەکەی ئەنجومەنی پیراندا دەنگدان لەسەر پرۆژەیاسای بودجە شکستیهێنا، ئەمەش پاش ئەوەی یاساکە 49 دەنگی بەڵێ و 47 دەنگی نەخێری بەدەستهێنا، بەمەش بۆ جاری هەشتەم زۆرینەی دەنگی بەدەستنەهێنا، تێپەڕاندنی یاساکەش پێویستی بە 60 دەنگی بەڵێیە، ئەمەش بووەتە کارێکی مەحاڵ و روون نییە ئەم پرسە بە چ ئاقارێکدا دەڕوات.
لای خۆیشیەوە، مایک جۆنسن، سەرۆکی ئەنجومەنی پیرانی ئەمریکا هۆشداریدا کە ئەگەر لەکارخستنی حکومەت ئەم هەفتەیەش بەردەوامبێت ئەوا دەبێتە دریژترین ماوە لە مێژووی ئەمریکا کە حکومەت تێیدا پەکیکەوتبێت.
