سەرۆک وەزیرانی عێراق، لە کۆبوونەوەی دوێنێیدا لەگەڵ سەرۆکی یەکێتیی نیشتمانیی کوردستان وتوویەتی، “مووچە چیتر نابێتە کێشە”.
بەپێی زانیارییەکان، محەمەد شیاع سودانی، سەرۆک وەزیرانی عێراق، لە کۆبوونەوەکەدا لەبارەی دواکەوتنی مووچەی فەرمانبەرانی هەرێمی کوردستانەوە، هاوڕای بافڵ جەلال تاڵەبانی، سەرۆکی یەکێتیی نیشتمانیی کوردستان بووە.
سودانی وتوویەتی، ئێمەش هەمان بۆچوونمان هەیە و ئەو دۆخەمان پێ خۆشنییە کە مووچە دوابکەوێت.
بەڵێنیشیداوە، هەوڵەکان دەخەنەگەڕ کە چیتر مووچە نەبێتە کێشە و بچێتە سەر رێڕەوی خۆی، ئامانجی رێککەوتنەکەی هەرێم و بەغدادیش [کە خودی بافڵ جەلال تاڵەبانی ئەندازیاری بوو] چارەسەرکردنی بنەڕەتیی کێشە داراییەکانە.
