سەعدی ئەحمەد پیرە، ئەندامی مەکتەبی سیاسیی یەکێتیی نیشتمانیی کوردستان رایگەیاند، بافڵ جەلال تاڵەبانی، سەرۆکی یەکێتی سەرقاڵی مووچەیە نەک هەڵبژاردن و ئەمڕۆ سەردانی بەغداد دەکات.
سەعدی پیرە لە لێدوانێکدا رایگەیاند، بەرەو هەڵبژاردن دەڕۆین، بەڵام لە هەمان کاتدا دەبێت مووچەی هاوڵاتییان زامنبکرێت؛ ئەمڕۆ 11ـی 10ـیە و مووچەی مانگی هەشت نەگەیشتووە، ئەمەش کێشەیە و هاوڵاتییان داوای دەکەن.
بڕیارە ئەمڕۆ شەممە، بافڵ جەلال تاڵەبانی، سەرۆکی یەکێتیی نیشتمانیی کوردستان بۆ پرسی مووچەی مووچەخۆرانی هەرێم، بچێتە بەغداد و لەگەڵ محەمەد شیاع سودانی، سەرۆک وەزیرانی عێراق کۆببێتەوە.
