وەزارەتی دارایی عێراق، رایگەیاند، تەیف سامی، هیچ لێدوانێکی لەبارەی کەمکردنەوە یان راگرتنی مووچەی کارمەندانی سوپا و پۆلیس نەداوە.
وەزارەتی دارایی عێراق، لە روونکردنەوەیەکدا بڵاویکردەوە، تەیف سامی، وەزیری دارایی هیچ لێدوانێکی لەبارەی کەمکردنەوە یان راگرتنی مووچەی کارمەندانی سوپا و پۆلیس نەداوە و ئەو هەواڵە دوورە لە راستییەوە.
وەزارەتی دارایی عێراق لە روونکردنەوەکەدا دەڵێت، مووچە بەپێی یاسا و خشتەی کاتی پەسەندکراو دابەشدەکرێت.
دەشڵێت، “بڵاوکردنەوەی ئەو جۆرە هەواڵانە بۆ چەواشەکردنی هاوڵاتییان و رای گشتییە، داوا لە هاوڵاتییان و سەرجەم دەزگاکانی راگەیاندن دەکەین تەنها پشت بەو لێدوانە رەسمییانە ببەستن کە لەلایەن وەزارەتەوە بڵاودەکرێنەوە”.
