دوای تێپەڕبوونی چەند کاتژمێرێک لە راگەیاندنی پێکهێنانی کابینەی حکومەتەکەی، سبێستیان لۆکارنۆ سەرۆک وەزیرانی فەرەنسا دەستی لەکارکێشایەوە.
کۆشکی ئێلیزێ بڵاویکردەوە، سبێستیان لۆکارنۆ سەرۆک وەزیرانی فەرەنسا داوای دەستلەکارکێشانەوەی پێشکەشکردووە و لەلایەن ئیمانوێل ماکرۆن سەرۆک وەزیرانەوە پەسەندکراوە.
ئەمە لە کاتێکدایە، دوێنێ یەکشەممە کۆشکی ئێلیزێ پێکهێنانی کابینەی نوێی حکومەتی فەرەنسای بە سەرۆکایەتیی لۆکارنۆ راگەیاند.
دەستلەکارکێشانەوەی لۆکارنۆ دوای ئەو رەخنانە هات کە رووبەڕووی کرایەوە، بەهۆی ئەوەی زۆرینەی ئەندامانی کابینەکەی لە ئەندامانی کابینەی پێشوو پێکهێنرابوو، رکابەرەکانیشی هەڕەشەی هەڵوەشاندنەوەی ئەو حکومەتەیان لێکردبوو.
