سەرۆکی کۆمەڵەی چاپخانەکانی کوردستان داوا لە وەزیری رۆشنبیری دەکات لەکاتی بەڕێوەچوونی هەڵمەتی بانگەشەی هەڵبژاردن هاوردەکردنی فلێکسی بانگەشە لە دەرەوە قەدەغە بکات.
عومەر زۆرباش سەرۆکی کۆمەڵەی چاپخانەکانی کوردستان رایگەیاند، “شەش هەزار و 464 شوێنی چاپمان لە هەرێمی کوردستان هەیە، توانای ئەوەمان هەیە، چاپی فلێکسی نەک تەنها کاندیدەکانی هەرێمی کوردستان، بەڵکو ئەوانەی دەوروبەریش لە کاتێکی گونجاودا بکەین”.
داوایشیکرد، “وەزیری رۆشنبیری هەرێم رێبگرێت لە هاوردەکردنی فلێکسی بانگەشەی هەڵبژاردن لە دەرەوەی وڵات، ئەمەش بۆ ئەوەی گەنجانی هەرێم سوودمەندببن لە کارکردن لە چاپەمەنییەکاندا لە کاتی بەڕێوەچوونی بانگەشەی هەڵبژاردن”.
