هاتوچۆی گەرمیان هۆشداری بە کاندید و لایەنە سیاسییەکانی بەشدار لە پرۆسەی هەڵبژاردن دەدات.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، ئاگاداری لایەنە سیاسییەکان و کاندیدەکان دەکەینەوە، لە ماوەی بانگەشەی هەڵبژاردندا، وێنە و پۆستەری کاندیدان و پارتەکان لەو جێگا و شوێنانە دانەنێن کە دەبێتە هۆی شاردنەوەی هێماکانی هاتوچۆ و گڵۆپی ترافیک لایتەکان.
دەشڵێت، هەروەها پۆستەر لە سەر شۆستە و لە بەرامبەر هێڵەکانی پەڕینەوە دانەنێن کە ئاستەنگی هاتوچۆ دروستدەکات، بە پێچەوانەوە داوای یاسایی لە سەر لایەنی سەرپێچیکار تۆماردەکەین و پۆستەرەکانیان لێدەکرێنەوە.
