لە سنووری دۆڵی دووکانیان لە ناحیەی عەربەت ئاگرێک کەوتەوە، پۆلیسی دارستان و ژینگەی سلێمانیش دەڵێت، بە “زەڕەبین” ئاگرەکە کراوەتەوە.
لە راگەیەندراوێکی بەڕێوەبەرایەتیی پۆلیسی دارستان و ژینگەی سلێمانیدا هاتووە، “دوای ئاگادارکردنەوەمان لە بوونی کەوتنەوەی ئاگر لە سنووری دۆڵی دووکانیان دەستبەجێ مەفرەزەیەک لە کارمەندانی بنکەی پۆلیسی دارستان و ژینگەی عەربەت گەیشتنە شوێنی ئاگرەکە و بە هاوکاریی بنکەی بەرگریی شارستانیی سیتەک توانیان ئاگرەکە کۆنتڕۆڵبکەن”.
ئاشکراشیکرد، هۆکاری کەوتنەوەی ئاگرەکە بەهۆی دانانی زەڕەبین بووە و بەدواداچوون بەردەوامەو بڕیاری دەستگیرکردن بۆ تۆمەتباری رووداوەکە دەرچووە.
باسیلەوەشکرد،بەهۆی ئاگرەکەوە 20 دۆنم پووش و پاوان و نزیکەی هەزار داری سروشتی سوتاون.
