ئەمڕۆ 15 ساڵ بەسەر کۆچی دوایی هونەرمەندی گۆرانیبێژ حەمەجەزا تێدەپەڕێت.
هونەرمەندی گۆرانیبێژ، حەمەجەزا لە ساڵی1949 دا لەدایکبووە، لە تەمەنی 19 ساڵییدا ژیانی ھاوسەرگیری پێکهێناوە و خاوەنی شەش منداڵ دوو کوڕ و چوار کچ بووە.
چەندساڵێکی تەمەنی لە پێشمەرگایەتیدا بەسەربردووە، پاشان لەگەڵ خێزانەکەیدا روویان کردووەتە ئەوروپا لە وڵاتی دانیمارک نیشتەجێبووە.
پاش راپەڕینی بەھاری باشووری کوردستان رووی کردووەتەوە کوردستان و لە سلێمانی نیشتەجێبووە.
حەمەجەزا خاوەنی چەندین سروودی نیشتمانی و ئاوازی کوردییە، لە 1ی تشرینی یەکەمی 2010 بەهۆی نەخۆشییەوە ماڵئاوایی لە ژیان کرد.
